image/svg+xml Смисловий переклад Корану безкоштовно Замовити
uk

«Moskva» «Selâmğa» çevirildi.

17 yanvar cuma künü musulmanlar içün hayırlı tedbir oldı, yañı islam medeniyet merkezi «Selâm» qapılarını er kes içün açtı.
Meraqlısı şu ki, yañı merkez yerleşken yerde restoran «Moskva» edi. Rusiye tarafından Qırımnı işğali ve Ukrainanıñ şarqında arbiy areketleri başlanğan soñ «Şale» adına deñiştirildi.

«Selâm» islam medeniyet merkezi Qırım Muhtar Cumhuriyeti Musulman Diniy İdareniñ Ukraina qıtasında uçünci temsilciligidir. Islam merkezi 2014-ci senesi Qırımnı işğal sebebinden Ukraina qıtasına köçken, vatanlarından vaqtınca ketken qırımtatarlarnıñ” ve Kiev vilâeti musulman cemaatnıñ sayesinde açıldı.

Bu bayram kününde cuma hutbesini Qırım muftisi Ayder Rustemov oqudı. Hutbeniñ mevzusı da çoq emiyetli edi. Selâm – bu söz neni bildire, neni añlata ve ne içün yañı merkezniñ adı tamam boyle oldı.

Cuma namazından soñ, Qırım Diniy İdareniñ ve qırımtatar Milliy Meclisniñ adından Qırım muftisi butün musulmanlarnı Kiev musulman cemiyetniñ hayatındaki bu sevinçli, quvançlı vaqiya munasebetinen tebrikledi. Yerli musulman cemietleri adından «Umma» Ukraina Musulmanları Diniy İdaresiniñ, « Al-Raid» Butünukraina içtimaiy teşkilâtlarnıñ Assotsiatsiyasınıñ, «Necat» din cemiyetniñ temsilcileri hayırlav sözlerinen çıqışta bulundılar.

Açılışta yerli ukümet temsilcileri de iştirak ettiler. Tantanalı qısımdan soñra butün musafirlerini tatlı yemeklernen sıyladılar.
İslam medeniyet merkezniñ adresi: Kiev vilâyeti, Brovarskiy rayonı, Pogreba köyu, Rojdestvenskaya soqağı (baştaki Koçübinskogo soq.), 10 a.

Bağlanmaq içün telefonlar:
+380 (63) 369 37 87
+380 (63) 410 15 58

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.