uk

Qırım musulmanların Diniy İdareniñ yardımınen № 119 Börispol ceza koloniyasında ibadethane açıldı

Fevral 6-da 2020 senesi emiyetli adise oldı. “Devlet ceza koloniyasında 119″ Martusivka köyünde Börispol rayonında birinci ibadethane açıldı. Kiyev vilâyetinde böyle ceza müessiselerde bu birinci ibadethanesi. Musulman faalleri özlerini tesirli ve faydalı sotsial- psihologik reabilitolog ve terbiyeci kibi bildirdiler. Cinayet cezalarnıñ icrası Devlet hızmeti böyle teşebbüslerni desteklegenini bildire ve mahkümler (mabüsler) arasında maneviyat ve dindarlığın inkişafına mümkün olğanı qadar yardım etecegini bildirdiler. Neticede, şahsiyetin tüzetecek eñ çoq emiyetli şey Allahqa olğan imandır.

İbadethaneniñ açılması Qırım musulmanların Diniy İdareniñ yardımınen oldı. Açılışta Qırım musulmanların müftisi Ayder Rustemov iştirak etti. Öz çıqışında o böyle güzel işlerniñ müimligini qayd etti. Tedbirde degerli musafirler, Ukraina Musulmanları Birliginiñ azaları, Kiyev vilâyetiniñ musulman faalleri de iştirak ettiler ve hoş, samimiy şaraitte keçti.

Qırım musulmanların Diniy İdaresi ” 119-cı Börispol ceza koloniyanıñ” Devlet müessiseniñ rehberlerine minnetdarlığını bildire.

Qırım musulmanların Diniy İdareniñ matbuat – hızmeti.

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.