image/svg+xml Смисловий переклад Корану безкоштовно Замовити
uk

QIRIM MUSULMANLARI DİNİY İDARESİ 2020 – 2021 OQUV YILINA TÜRKİYENİÑ HALQARA İMAM HATİP LİTSEYLERİNE QABULUN BAŞLANĞANNI İLÂN ETE

Türkiye Cumhuriyetniñ Milliy Tasil Nazirligi, Türkiye Diyanet Vaqfı, ilâhiyat fakulteti tarafından ” Halqara ilâhiyat programması” çerçivesinde Türkiyeniñ Halqara imam hatip litseylerinine ve universitetlerine ilâhiyat fakultetine 2020-2021 oquv yılına tasil almaq yabancılar içün qabulun başlanğannı ilân eteler.

Arizalarnı martnıñ 20 –ne qadar 2020 s. https://diyanetburslari.tdv.org sitesinde onlayn şekilde qabul etile.
Qabul ve oquş şartları aqqında meraqlandırğan sualleriñizge https://diyanetburslari.tdv.org sitede cevabını tapıp olursıñız.
Litseyni bitirgen talebe Türkiyeniñ ilâhiyat ve başqa qazanıp olğan fakultetlerinde oquşnı devam etmege mümkünler.
Türkiye Milliy Tasil Nazirligi ve Diyanet Vaqfı 9 sınıfnıñ mezunlarını (şu cümlede 10, 11 sınıf talebelerini de) yahşı diniy tasil almağa davet ete.

Qırım ve ukrain mekteplerniñ mezunları Türkiyeniñ eñ güzel imam hatip litseylerinde ve universitetlerinde tasil almaq mümkünler. Oquş aqqını qazanğanlarğa oqucaq yerinde bedava yurtta yaşamaq, künde 3 kere bedava yemek, kütüphaneleri, açıq ve yapıq sport salonlarını qullanmaq, Türkiyeniñ tarihiy yerlerini ziyaret etmek, yılda eki tarafqa uçaqqa bedava biletler ve er ay stipendiya berilecek.

Hafiz olmağa istegenlerge ayırda oca tainlenecek. Bütün masraflarını Türkiye tarafından qapatıla.
​Bu programma boyunca dünyanıñ 111 ülkeden qızlar ve erkekler tasil alalar. Sizler de fırsatınıznı qaçırmañız.
Eger özüñiz qayd etip olamasañız QMD İdaresine +38 063 221 54 64 telefon nomeradan muracaat etiñiz. (WhatsApp, Viber, Telegram)

QMDI MATBUAT – HIZMETI

Comments are closed.

İbn Ümer (Allah ondan ve babasından razı olsun) bildirgen edi (aytqan edi):
“Peyğamberimiz (Allahnıñ selâm ve rizası onıñ üzerinde olsun) dedi ki: ” İslam 5 şartta quruldı: Allahtan başqa ilah (tañrı) yoq ve Muhammed Onıñ resulü (elçisi) şeadet etmek; namaz qılmaq; zekât bermek; Allahnıñ Evine hac yapmaq, Ramazanda oraza tutmaq”.