uk

QIRIM MUSULMANLARI DİNİY İDARESİNİÑ UKRAİNADAKİ KARANTİNNEN BAĞLI MURACAATI

​Sayğılı hanım ve bey efendiler! Ürmetli qardaşlarımız! Bütün Ukrainada ve ayrıca Kiyev şeerinde koronovirusın yayılmasına qarşını almaq içün Qırım musulmanlarnı Diniy İdaresi şu idarege bağlı olğan mescitler ve ibadethanelerde bir sıra profilaktik tedbirlerni kirsetmege qarar aldı. Bütün camilerde ve ibadethanelerde el dezinfektsiya vastalarını qoyulması tevsiye etile.

Cami ve ibadethanelerniñ kirişinde müminlerin sıcağını ölçemek kereklidir.

Eger ateşi yüksek olsa, böyle hastalarğa kirmemek tevsiye etilsin.

Karantin vaqtında Cuma hutbeleri namaznen beraber 15 daqiqada keçirmeli.

Eger özüñizni yahşı duymasañız ve ateşiñiz olsa, eviñizde qalğanñıznı ve ekimge körünmeñizni rica etemiz.

Ukraina sağlıq nazirliginiñ malümatına köre mart 11-de 2020 s. sabasına dünyada 114219 insan COVID-19 virusnen hastalandılar. Olarnıñ 4024 adam keçindi, 64147 (56,2%) insan tedavilendiler. Çin ülkeden tış 103 ülkelerde/ bölgelerde 33295 al qayd etildi.
​Avropa ülkelerinde COVID-19 hastalıqtan 15114 al qayd olunğan. (İtaliya – 9172, Almaniya – 1139, Frenkistan – 1412, İspaniya – 1024, İsviçre – 332, Büyük Britaniya – 323, Felemenk – 321, Belçika – 239, İsveçiya – 248, Norvegiya – 192, Avstriya – 131, Yunanistan – 73, İslandiya – 55, San-Marino – 49, Danimarka – 90, İsrail – 35, Finlândiya – 30, Çehiya – 36, İrlandiya – 21, Portugaliya – 30, Gürcistan – 15, Hırvatistan – 11, Estoniya – 10, Azerbaycan – 9, Sloveniya – 23, Romaniya – 15, Belorusiye – 6, Rusiye – 7, Macaristan – 9, Şimaliy Makedoniya – 4, Slovakiya – 5, Bulgaristan – 4, Malta – 3, Bosna ve Hersek – 2, Latviya – 6, Sirbistan – 2, Andorra, Ermenistan, Litvaniya, Lüksemburg, Monako, Moldova, Ukraina birer insan) ve 529 keçindiler.
Ukrainada COVID-19 laboratoriyada 1 al tasdıqlandı. Bütün devir boyunca Ukrainanıñ içtimaiy sağlıq merkezi COVID-19 hastalıqqa dair 40 insan şübhe altında qalalar. Şu cümlede 2 kişi Kiyev şeerinde. Şimdi 4 nümüne araştırıla.

Yüce Allahtan bütün dünyanı qaplap alğan hastalıqtan qorumasına ve hastalanğanlarğa hayırlı şifalar bersin dua etemiz.

QMDİ matbuat -hızmeti

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.