uk

ÜLEMA ŞURASINIÑ QARARI № 8 tarih 16/03/2020 Karantin vaqtında cuma namazlarnı qaldırılması aqqında

Bismillâhi ar-Rahmani ar-Rahim!

Elhamdulillâhi Rabbil Alâmin. Selâtu ve selâmlar olsun Muhammed peyğamberimizge (aleyhi selâm), onıñsahabilerine, ailesine ve Qıyamet kününe qadar bütün müminleringe!

Sayğılı din qardaşlarımız! Bütün dünyada, Ukrainada ve ayrıca Kiyev şeerinde koronovirusnen bağlı olğan vaqialar sebebinden hastalıq yayılmasına qarşı niyetinen Ülema Şurası qarar qabul etti. Vaziyet tüzelleşkenine qadar vaqtınca cuma namazlarını ve cuma hutbelerini keçirmelerini toqtatmaq. Şariat uküm ve qaidelerini köz ögüne alaraq Şura meclisi bu zor qararnı aldı.
Yüce Allah 2 surede, 195 ayette dey:

وَلَا تُلۡقُواْ بِأَيۡدِيكُمۡ إِلَى ٱلتَّهۡلُكَةِ

“…Ozüñizni ölümge mahküm etmeñiz….” (Quran 2: 195).

Peyğamberimiz ( aleyhi-s-selâm) dedi:

عن النبي صلى الله عليه وسلم أنه قال: إذا سمعتم بالطاعون في الأرض فل اتدخلوها وإذا وقع بأرض وأنتم بها فلا تخرجوا منه. صحيح البخاري/٥٧٢٨

“Eger bir kimse bir de bir ülkede taun (veba, çuma) olğanı aqqında eşitse, o yerge barmasın. Eger de taun (veba) siz olğan yerde olsa, o yerni terk etmeñiz, qalıñız” (Al –Buhari).

Peyğamberimiz Muhammed (salla-LLahu aleyhi ve-s-sellim) dedi:

عَنِ ابْنِ عَبَّاسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: مَنْ سَمِعَ الْمُنَادِيَ فَلَمْ يَمْنَعْهُ مِنِ اتِّبَاعِهِ عُذْرٌ. قَالُوا: وَمَا الْعُذْرُ؟ قَالَ: خَوْفٌ أَوْ مَرَضٌ؛ لَمْ تُقْبَلْ مِنْهُ الصَّلَاةُ الَّتِي صَلَّى

“Eger insan ezannı eşitse ve bu davetke bir müteber sebep olmadan cevap bermese, tek başında yapılğan namazı qabul olunmaz”. İnsanlar soradılar: ” Ya, resul-LLah! Ya nasıl müteber sebepler olmaq mümkün?” “Qorqu ve hastalıq”- cevap berdi o. (Abu Daud, İbn Maca)

Ukraina sağlıq nazirliginiñ malümatına köre mart 16-da 2020 s. sabasına dünyada 169 387 insan COVID-19 virusnen hastalandılar. Olardan 77 257 (45,6%) insan tedavilendiler. Çin ülkeden tış 89 367 al 142 ülkelerde/ bölgelerde qayd etildi. Avropa ülkelerinde COVID-19 hastalıqtan 54 895 al qayd olunğan ve 2 314 kişi vefat etti ( Butünley 6 513).

13 marta matbuat içün olğan brifingde Bütündünya Sağlıq teşkilâtnıñ genel müdiri Tedros Adanom Gebreisus dünyada Avropa, Çinden ğayrı, şimdi pandemiyanıñ merkezi olğanını, hastalar ve ölgenler çoqlaşqanını qayd etti. Avropada Çinde qırğınlıq (epidemiyası) çoqlaşqanından ziyade er kün hastalar qayd oluna. Şu anda, Avropa Hastalıq profilaktikası ve Nezaret Merkezi insanlar içün COVID -19 infektsiyasınen alâqalı Avropada riskleri orta ve yüksek arasında derece qoyuldı. Reproduktiv Ro- insan sayısı, hasta adam SARS-CoV-2 virusnen 2-2,5 teşkil ete, bu grippke köre yüksekçe.

İslâmnıñ yüce maqsatlarnıñ birisi insannıñ ayatını qorçalamaq ve can qurtarmaq olğandan ve bütün yuqarıda yazılğanına köre Ülema Şurası böyle qarar aldı.

Elhamdu-li-LLâhi Rabbi-l-Alâmin!

QMDİ ÜLEMA ŞURASINIÑ reisi
Hayrullayev S.İ.

https://drive.google.com/file/d/1kCchdEO2l7Bsh696dm5ykBWPX_ktUXm7/view

Comments are closed.

İbn Ümer (Allah ondan ve babasından razı olsun) bildirgen edi (aytqan edi):
“Peyğamberimiz (Allahnıñ selâm ve rizası onıñ üzerinde olsun) dedi ki: ” İslam 5 şartta quruldı: Allahtan başqa ilah (tañrı) yoq ve Muhammed Onıñ resulü (elçisi) şeadet etmek; namaz qılmaq; zekât bermek; Allahnıñ Evine hac yapmaq, Ramazanda oraza tutmaq”.