uk

Qırım musulmanları Diniy İdaresi desteginen “Yardım eli” hayriye tedbirniñ birinci basamağı keçti

Kiyevde bu künlerde “Yardım eli” hayriye tedbiri keçe. Esas aşayt taqımlarnı topladılar ve paketlerge erleştirdiler. Bu mahsulatlarnı Ukrainada ve bütün dünyada koronovirustan olğan karantin zamanda ağır vaziyette qalğan insanlarğa yardım maqsadınen keçireler.

Tedbir Qırım Musulmanları Diniy İdaresi, Ukraina Musulman qadınlarnıñ Birligi, Ukraina Musulmanları Assotsiatsiyası desteginen keçmekte.

Hayriye tedbirniñ birinci basamaqta böyle mahsul taqımına 70 danege para toplandı. Musulman faalcileri bu aşayt paketlerini ihtiyac olğanlarnıñ evlerine alıp bardılar. Bizler bütün musulmanlarnı tışardan yardım beklemeyip, bu zor zamanda olğan yerlerimizde birleşmege çağıramız! Birlişsek, biz çoq şeyler becerip olurmız! Bu hayriye aktsiyada kimler yardımda bulunsa Qırım Musulmanları Diniy İdaresi er keske teşekkürlerini bildire. Yüce Allahtan bu yahşı işni epimizden qabul etmesini soraymız.

Hayriye aktsiyası devam ete. Er kesni öz çaresine köre iştirak etmege imkânı bardır.

Bir mahsul (aşayt) taqımnıñ fiyatı – 570 grn.

Bank malümatları:
Privatbank: 5168 7554 3907 6262
Oşçadbank: 5167 4900 7686 7176

Allahnıñ Peyğamberi (aleyhi selâm) dedi ki: ” İhtiyacı olğan qardaşına yardım etkenge, Allah Taalâ onıñ öz ihtiyacında yardım eter”. (El –Buhari, Müslim)

QMDİ matbuat – hızmeti.

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.