uk

MUBAREK RAMAZAN AYINEN (1441-2020) QIRIM MÜFTİSİNİÑ HAYIRLAVI

Allahnıñ ar-Rahman ve ar-Rahim olğan adınen!

Sayğılı vatandaşlar. Ana mına Ramazan aynıñ qapuları açılmaqta. Bu demek ki cennetniñ qapuları açılmaqta, ceennem qapuları qapılmaqta.

“Ey hayır yapmağa – yap, ey şerni terk etmege – bıraq”, – aytılır bu ayda.

Quranı Kerim bekler bizni, teravih namazları bekler bizni, eki ferah bekler bizni:
tatlı iftarlar ve
Rabbimizden körüştümüz zaman büyük sevaplar.
İç kimse buña mani olamaz. Karantin devam eterse bunı evlerimizde yapa bilemiz. Bütün topraq bizim içün mescittir.

Aq yolunda tik turmağa qolay degildir. Aq sezle yürmek, boysunmamaq zordur. Vazifemiz şaatlıqnı Allah içün yapmağa.

Yahşılıqnen yamanlıq bir olmaz.

Elbette, qıyınlıqnıñ yanında bir qolaylıq bar.

Ve elbetteki kelir bir kün duşman yoq olur, vatan azat olur, izzemitimiz, devletimiz tirilir.

Epimizge Ramazan ayımız hayırlı, oğurlı olsun!

Qırım müftisi
Ayder İsa oğlu Rustemov

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.