Mına Ramazan ayı da yekunlenmekte. Elhamdu liLLâh bu ayda oraza tutmağa, açnıñ tadını almağa, Rabbimizniñ nimetlerine ne qadar muhtac olğanımıznı añlamağa alıştıq. Elimizden kelgeni qadar cümert olmağa ğayret kösterdik. Peyğamberimizniñ sozlerini köz ögüne alıp, çoq sevaplarnı qazanmağa çabaladıq. Ve bu qazanğan hususiyetlerni, bu göñülümüzge aşlanğan qiymetlerni muafaza etmelimiz. Çünki oraza Ramazannen bitmez. Elbette eñ hayırlı oraza Ramazan ayınıñ orazasıdır, em de farztır, em de dinimizniñ esasıdır ve ruknüdir. Amma ondan ğayrı nice teşfiq etilgen oraza künleri bar. Olardan birisi 6 kün Şevval ayında; er aftada bazarertesi ve cumaaqşamı…