uk

İŞĞAL ETİLGEN QIRIMDA VANDALLIQ AREKETLER VE QANUNSIZ REFERENDUMLAR DEVAM ETELER

İyün 29–da qanunsız işğal etilgen Qırımda, Kemerova (Rusiye) sakini memorial abidede qırım tatarlarnıñ simvolı (tamğa) ve yazılğan Quran ayetleri üzerinde vandalizm areketini yaptı. Bu hatıra abidesi Aqmescitten Saq şeeriniñ kirişinde qoyuldı.

Avtomobilniñ üstüne çıqqan qadın, çöküçnen abideki hilâlni bozmağa tırıştı. Çöküçi sınğan soñ, o ekinci çöküçni çıqara ve abideni bozmağa devam ete. Evelden mahsus planlaştırılğan, azırlanğan areketleri olğanı körüne. Bütün bu areketlerini yapqanda qadın qırım tatarlarğa, islamğa qarşı pis sözler ayta edi. Bu adise olğan yerinden qaçmaq istegende maşnası köçmedi.

Vaqialar olğan yerge kelgen polis hadimleri foto ve videonı çekmesini yazaq ettiler. Bu areketler qanunsız işğal etilgen Qırımda qanunsız referendumı keçken zamanda yüz berdi. Tamam 2014 senedeki kibi referendumde kibi. Tek bu sefer yavuz zalim ömür boyu akimiyetini “qanunleştirmek” qararına keldi. Bu sebepten, areketleri mıtlaq cezasızlığını is etken “Rus dünyası”-nıñ aqılsız tarafdarları aktiv faaliyetke başlaylar.

Bizler yalıñız Allahqa ümüt etemiz. Küreşimiz devam ete…

QMDİ matbuat – hızmeti

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.