uk

«RUS İSLÂMI» AREKETTEDİR!

Qırım Musulmanları Diniy İdaresi, Sudaq rayonnıñ Taraqtaş köyündeki mescitniñ imamına zulum etmege başlağan Qırımdaki işğal quvetçilerniñ areketlerini ayıplay. Onı «qanunsız missioner» işinde qabaatlaylar. İdariy dava başlatıldı. Galiyev özü 2019- ci seneden berli şu camide ve köyde diniy merasimlerini keçire, lâkin sözde olğan «Qırım musulmanlarnıñ diniy idareniñ» ya da başqa diniy teşkilâtnıñ azası olmadığını ayttı.

Qırımdaki işğal mahkemeleri aqmescitteki imam Rasim Dervişni aynı şu sebepten para cezasını bergenler. Aqmescit rayon, Şumhay köy imamı Arsen Kantemirovke, Asan Bekirovke ve Aluşta diniy teşkilâtnıñ imamı Yusuf Aşirovke idariy işler açtılar. İnsan aqları aktivitsleri bu idariy davalarnı işğal akimiyetnen işbirlikte olğan sözde olğan «Qırım musulmanları diniy idaresine» nezaret olunmağan muhtar diniy cemiyetlerge sistemli basqı dep sayalar.

Rusiyanıñ «Qırım müftiyatı» muhtar musulman cemiyetlerini özüne tabiy etmek isteginen, arzusınen nasıl etip “paket Yarovoy” qanunı aktiv şekilde qullanaraq, iç bir şeyge baqmadan işğalcilerniñ yardımına nasıl muracaat etkenlerini köremiz.

Küreşimiz devam ete…

QMDİ matbuat – merkezi.

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.