uk

Aqqımızda

Ukrainanıñ yerli halqı olaraq qırım tatarları Ukrainanıñ eñ büyük musulman toplulığıdır. Ukrainada biñ yıllıq islam tarihi qırımtatar halqnıñ tarihinden başlay.

​Ukrainadaki musulmanlar çeşit menbalarğa köre eki millionğa qadar esaplana. 200-den ziyade cami ve ibadethaneler faaliyet köstereler. Beş diniy idareler quruldı: QMDİ, UMDİ, UMDİ “Umma”, UMDM, Kiyev Müftiyatı.

Qırım işğalinden soñ ve TQO (terrorğa qarşı operatsiyanı) devamında çoq musulmanlar Ukraina qıtasına avuştılar ve yaşağan yerlerinde musulman cemiyetlerini teşkil ettiler.

BAQIŞIMIZ

Musulmanlarını birleştirgen, qırımtatar halqnı, musulmanlarnı ve Ukraina cemiyetni inkişafına ve icat etilmesi içün esas, nümüneviy, birleştirgen institut olmaq.

MİSSİYAMIZ (VAZİFEMİZ)

Musulman cemiyetlerniñ inkişafını desteklemek; dinler arası dialogını ilerileştirmek; vatanlaşlarımıznıñ faaliyetini arttırmaq; İslam aqqında bilgilerini, añlayışını daa yahşı, doğru olmasına yardım etmek, çalışmaq.

STRATEGİK MAQSATLAR:

  • İnsan aqlarınıñ ve diniy serbestligini (azatlıqlarını) qorçalanması;
  • Ukraina musulman cemiyetlerini birleştirmesi, pekitmesi ve inkişaf etilmesi;
  • İslam medeniyetini ve ilimni aydınlatmaq ve inkişafına çalışmaq;
  • İslam ananelerine ve qırımtatar medeniyetine uyğun olaraq gençlik içün ve başqa tasil programlarını amelge keçirmek.

İbn Ümer (Allah ondan ve babasından razı olsun) bildirgen edi (aytqan edi):
“Peyğamberimiz (Allahnıñ selâm ve rizası onıñ üzerinde olsun) dedi ki: ” İslam 5 şartta quruldı: Allahtan başqa ilah (tañrı) yoq ve Muhammed Onıñ resulü (elçisi) şeadet etmek; namaz qılmaq; zekât bermek; Allahnıñ Evine hac yapmaq, Ramazanda oraza tutmaq”.