image/svg+xml Смисловий переклад Корану безкоштовно Замовити
uk

KİYEVDE İSLAM MEDENİYET MERKEZNİÑ YANINDA MUSULMANLARNIÑ YAQALANMASI.

Tünevin, yanvar 31-de, musulmanlar içün muqaddes cuma künü, “Al-Raid” İslam medeniyet merkezin cemiyet teşkilâtnıñ azbarnıñ (divarlarnıñ) yanında cuma hutbe vaqtında namazğa kelgen insanların vesiqalarını teşkerdiler ve yaqaladılar.

Polis ve migratsiya (köçmenlik) hadimlerinen avtobusları cuma namazı yarım saattan başlanmazdan evel keldiler ve insanlardan, namazğa kelgen musulmanlardan, vesiqalarını talap etmege başladılar. 25 insannı yaqaladılar ve qayda alıp ketkenleri belgisiz. Polis hadimleri bunı “adiy vesiqalarnıñ teşkerilmesi” kibi izaatladılar. Amma ne içün “adiy vesiqalarnıñ teşkerilmesine” yeri ve vaqtı tamam cuma namazı vaqtında, ve tamam cami yerine kelgenlerini sade tahmin ete bilirmiz. Angi Ğarbiy Avropanıñ medeniy ülkelerde, qayda bizim memleketimiz o qadar kirmege ıntıla, böyle alnı körmege mümkün? Qaysı medeniy bir ülkede, ibadet etilgen bazar künü bir kilseniñ, ya da diniy emiyetli bir yerde, “adiy vesiqa teşkirilmesini” körmek mümkün? Cevapsız sual.

Qırım musulanların Diniy İdaresi Devlet migratsiya hızmeti ve Milliy polis tarafından bu qanunsız davranışlarına qattiy şekilde narazılığını bildire. Ümüt etemiz ki, bu bir oğursız hata edi ve böyle al başqa ne camilerniñ, ne de başqa diniy binalarnıñ yanında tekrarlanmaz.

Qırım musulmanların Diniy İdareniñ matbuat – hızmeti.

Comments are closed.

İbn Ümer (Allah ondan ve babasından razı olsun) bildirgen edi (aytqan edi):
“Peyğamberimiz (Allahnıñ selâm ve rizası onıñ üzerinde olsun) dedi ki: ” İslam 5 şartta quruldı: Allahtan başqa ilah (tañrı) yoq ve Muhammed Onıñ resulü (elçisi) şeadet etmek; namaz qılmaq; zekât bermek; Allahnıñ Evine hac yapmaq, Ramazanda oraza tutmaq”.