image/svg+xml Смисловий переклад Корану безкоштовно Замовити
uk

“QUR’AN NURI”

​”Er şeyni yaratqan Rabbiniñ adından oqu.” (“Al- Alâq suresi; 1 ayet).

Allahnıñ kitabını -Qurannı oqumaq ve añlamaq balaçıqlarnı yönetmek maqsadınen 1 mart künü 2020 s. Qırım Musulmanlarnıñ Diniy İdareniñ ofisinde “QURAN NURI” balalar içün Qırım, Litvaniya, Poloniya müftisi, qırımtatar milletniñ lideri NOMAN ÇELEBİCİHAN adına yarış keçti. Yarışnıñ şartlarında süreni dülber oqumaq ve bu süreni nasıl añlağannı aytmaq. Balaçıqlar içün bu ciddiy sınaftır. Amma Qurannı sade oqumaq degil de, eñ müimi Allahnıñ sözlerini añlamaq.

Balalarnı 3 kategoriya böldüler.

1 kat. 3 – 5 yaşında “An – Nas” süreni,

2 kat. 5 – 8 yaşında “Al – Fil” süreni ve

3 kat. 8 -13 yaşında “Al – Alâ” süreni oqumaq kerek ediler.

Yarışta Ukrainanıñ çeşit yerlerinden kelgen 59 bala iştirak etti. Balaçıqlar dülber, qıraatnen süreni oqudılar, añlağanlarını ikâye ettiler ve jüri azalarnıñ suallerine cevap berdiler. Çoqusı iştarakçiler musafirlerini ayrette qaldırlar: Hayrullayeva Asiye (11 yaşında) Qurandan 2 cüz, Sobirova Sakina (9 yaşında) 4 cüz, Çauş İslâm (11 yaşında) 5 cüz, Saibnazarov Usman ( 11 yaşında) 7 cüz, Mikuşkina Tasnim (10,5 yaşında) bütün Qurannı ve başqaları da bir qaç cüz ezberden bileler. Maşallah! Balaçıqlar bu yaşta Allahnıñ sözüni güzel bilgenleri teşkilâtçılarını pek quvandırdı.

“Quran nurı” yarışnı Qırım Musulmanları Diniy İdaresi ve Ukraina Musulman Assotsiatsiya desteginen yaqınlarda “Ukraina musulman qadınlar Birligi” tarafından azırlandı ve keçirildi.

Er üç kategoriyada da 1-ci, 2-ci, 3 –ci yerler içün balaçıqlarğa qıymetli ediyeler ve FAHRİY YARLIQlar berildi. Episi balaçıqlarğa iştirak etkenler içün YARLIQ ve rağbetlendirme ediyesi (tatlı şeylernen paket) berdiler.

“Ukraina Musulman Qadınlar Birligi» jüri azalarına, ediyeler ve yarlıqlarnı azırlağanlarına, tedbirni dülber ve yüksek seviyede keçirmege yardım etkenler kimniñ zahmeti ketse episine öz minnetdarlığını bildire.

Allah Taalâ epiñizden razı olsun.

QMDİ matbuat – hızmeti

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.