Bugün, martnıñ 11-de Bağçasaray ve Bağçasaray rayonında işğalciler eñ azından 7 qırımtatarnıñ evini basqın ettiler. Qanunsız tintüvnilerini keçirgen soñ, Federal Telükesizlik Hızmeti (FSB) ev saiplerini apsiske qoydılar.

​Bizim elimizde olğan malümatına köre mart 11-da 2020 s. tintüvler keçirildi ve yaqalandılar: Amet Suleymanov, Rustem Seytmemetov (1973d.y.), eki doğmuş ağa – qardaş Seytumer Seytumerov (1986 d.y.) ve Osman Seytumerov ( 1992 d.y.). Tintüv Seydamet Mustafayev (1995 d.y.) “Qırım Birdemligi”niñ strimeri, “Grani.ru” internet –sitenıñ jurnalistniñ evinde keçti. Seydamet evinde yoq edi. Ve Ayder Suleymanovnıñ evinde, amma evde iç bir kimse yoq. Şu sırada Kiyevde 2018 seneden berli ATR telekanalında çalışqan jurnalistniñ Seytumer Seytumerovnıñ evinide de tintüv keçirdiler.

Qırım musulmanlarnıñ Diniy İdaresi Federal Telükesizlik Hızmetniñ böyle areketlerini namussız ve qanunsız saya. Koronovirusnıñ yayılmasına qarşı profilaktik tedbirler keçirmek yerine, Qırımnıñ işğal küçleri qırımtatarlarnen cenkleşeler. Aceba, bizlerden ölüm virustan da ziyade qorqalarmı…

QMDİ matbuat – hızmeti