Yani dinimizde bütün farzlar dinniñ ruknü degildir. Onu qayd etmege istedim. Siz nasıl tüşünesiz: eger bir ev esassız (yani fundamentı yapılmayıp) qurulsa, sağlam olur mı? Ne qadar turar? Belki de 1 sene, belki de 1,5-2 sene. Amma mıtlaqqa yağmur, qarlardan soñra duvarlar qayar ve dağılıp keter. Orazada büyük bir fazilet, sevap bar. Amma ve lâkin tutmamaqta da büyük ve acı azap bar. Er bir musulman bunu añlamağa kerektir. ResulülLLah (aleyhi-s-selâm) buyurdu ki… ResulüLLah soñ hutbesinde safdaşlarına vaz eterken sonuñda ayta edi: Allahumma hal ballâğta? Allahumma-ş-had! Bizde nasiatta bulunarken aytamız: Ey Allahım, biz haberdar ettik mı? Ey Allahım, Sen Şaat ol! Mevlâmız epimizni azaptan qorusın, ehli cennetten eylesin!