Biz qusurlı Allahnıñ mahlüqatları böyle şeylerge çoq taqılırız ya, çoq tüşünürüz ya: ağızımdan oraza tutarken yaramay qoqu kele, ya da müdürnen, prezidentnen, premyernen (kim olsa olsun) bügün körüşecem de şu ağızımnıñ qoqusuna ne yapayım, ya? İşte sanki Yüce Allah insannıñ fitratını bilip ta Peyğamberine (aleyhi-s-selâm) bunı añlata… …yani bu sezlerde ima etile ki, bu ibadette (sıyam oraza ibadettir), nifaq olamaz, zor! Başqa ibadetlerde nifaq eki yüzlük qolayca tecelli etilir. Meselâ insan camide turdı namazğa ve başqa insanlarnı köşede körürken nefisine uyıp “aydı birazçıq sozayım” ya da “ birazçıq maqamlı oquyım” yapa bilir. Böylelikle halis olğan niyetini kirlete bilir. Amma aşını ve suvnı bıraqmada böyle bir eki yuzlik peyda olması biraz zor, çünki zaten nefisine qısa, sevgen, lezzetli aşlardan vaz keçe. onun içün bu amel içün Allah tirek Özü sevap bağışlay ve O bağışlanda sevaplar sayılsız derecege keler. Ve daa bir inceliknen bügünki nasiatımı bitiriyim. Bir işni bitirip esas insan bir kere quvanır bunı yaptım diye. Amma orazanı tutıp Allahnıñ qulı eki kere quvanır. Ve bunı ResulüLLah (aleyhi-s-selâm) añlata… Allah epimizni bu ve kelecek düñyada er daim quvandırsıñ!

https://youtu.be/gw2gtL2uxJA