Elhamdu liLLâh mubarek Ramazan ayı bitmek üzre. Bir taraftan musulman qalbi quvana, çünki büyük ibadetni (Allahqa biñlerce şükür olsun) yerine ketirdi ve inşaAllah onuñ bütün günahlarnı silindi ve inşaAllah Ceennemden qurtuldı ve inşaAllah büyük sevaplarğa nail oldı. Ekinci taraftan ise mümin qalbi kederlene, çünki artıq o Ramazan fırsatları, imkâniyetleri Ramazannen beraber ketecek. Ceennem qapuları açılacaq, Cennet qapuları qapatalacaq, şeytanlar azat bıraqalacaq, ayatımız adiy istiqametine qaytacaq. Amma ne olsa olsun biz bu künlerde ferahlı olmalımız, çünki büyük bayram arifesindemiz. Dinimizde 2 bayramız bar: Oraza bayramı ve Qurban bayramı. Bayramda ne yapmalımız? Bu sualge cevap bugünki “nefesimizde” inşaAllah berecekmiz.