21 senesi çeçekniñ 10-da Qırım Muhtar Cumhuriyetiniñ Kyiv ş.-deki Diniy musulmanlar idaresiniñ vekâlethanesinde, Diniy İdaresiniñ terkibine kirgen diniy cemiyetlerniñ nevbetteki, dörtünci qurultayı ötkerildi.

Qurultaynıñ açılışında genç afız Abdurahman Asanov tarafından Quranı-Kerimden ayetlerini oqulmasından soñ, başta Qırım müftisi Ayder İsa oğlu Rustemov, İdareniñ soñki eki yıl içinde olğan muvafaqiyetleri aqqında maruzasınen çıqışta bulundı.

Qurultaynıñ sayğılı musafirler arasında Qırımtatar halqınıñ Meclisi reisi Refat ağa Çubarov bar edi ki, o, Qırım Muhtar Cumhuriyeti Diniy musulmanlar İdaresiniñ faalligi ve yeñişlerini, em de bugünde-bugün Ukraina özüniñ devlet ilerilemesi içün qararlı adımlar yapqanını qayd etti. Qırımtatar tiliniñ inkişafı Konsteptsiyası devlet seviyesinde qabul etilgeninen, Refat ağa qırımtatar tilini cemiyetler olğan yerlerde ögrenilüvine davet etti. Bundan ğayrı, Meclis reisi uquq ükümliligini qayd etti ve öz işini aq-uquqlarğa riayet etip alıp barmasına çağırdı.

Qurultayda İdare terkibine qıtaiy Ukrainanıñ türlü regionlarından daa üç, yani: Kyiv vilâyeti, Herson ve Odesa vilâyetlerinden diniy cemaat qabul etildi. Yañı cemaatlarnı İdare terkibine qabul etilüv qararı bir ağızdan keçti.

Daa Ülema Şurası Nizamnamesine tehnikiy deñişmeler kirsetüv meselesi baqıldı, 1442–2021Ramazan ayınıñ başını ve soñunı, zekât, sadaqa cemisini tayin etüvnen bağlı QMC DMİ Ülemalar Şurasınıñ 18.03.2021 s. № 10 Qararı ta etildi ve il. (ayrı derc etilecektir).

QMC DMİ Ülemalar Şurasınıñ başı Suleyman (Elimdar) Hayrullayev tarafından yañı kitaplarnıñ prezentatsiyası keçirildi ki, olarnı İdare bu yılı çıqardı, yani: hanefi mezhebine binaen ‘Menim duam’ (namaz ögrengenler içün adım-adım resimli talimat), kitap eki tilde, rus ve ukrain tilinde, basılğan, şimdi bu kitap qırımtatar tilinde de azırlanmaqta; ve ‘Al-Aqıda At-Tahaviyya’ kitabı (ehl-i sunnet ve cemaat itiqadınıñ açıqlaması), üç tilde (qırımtatar, ukrain ve rus tillerinde) basılğan; bundan ğayrı, er bir kitapta oquyıcı şu arap şaheseriniñ metinini de tapa bile.

Tedbir, şimdi Kyivde amelde olğan bütün qalentir sıñırlanuvlarına riayet etip keçirilgen.

Qırım Muhtar Cumhuriyetiniñ Diniy Musulmanlar İdaresi, iştirak etken bütün cemaatlarnıñ temsilcilerine ve sayğılı qurultay musafirlerine öz minnetdarlığını bildire!

Küreşimiz devam etmekte…

QMC DMİ matbuat hızmeti