uk

QMC DMİ Ülemalar Şurasınıñ 18.03.2021 s. № 10 qararı

ALLAHNIÑ AR-RAHMAN VE AR-RAHİM OLĞAN ADINEN! 

QMC DMİ Ülemalar Şurasınıñ 18.03.2021 s. № 10 qararı

Bütün hamd ve maqtavlar – Alemlerniñ Rabbi olğan Allahqa ait! Peyğamber azretleri Muhammedke, onıñ ailesine ve cümle sahabisine – selât ve selâmlar olsun!

2021 s. saban 18-de Kyiv ş. Qırım Muhtar Cumhuriyetiniñ Diniy musulmanlar idaresi diniy teşkilâtınıñ Ülemalar şurasınıñ 10 (onuncı) oturışı keçti ki, onda böyle qararlar alındı:

  1. Hicriy 1442 s. ramazan ayınıñ 1-ci sanını 2021 senesi çeçekniñ (aprel) 13-ü, ve buña köre ramazan ayınıñ soñunı ve Oraza bayramını 2021 senesi quralaynıñ (mayıs) 13-çü, dep tasdiq etmek.

İslâm tedqiqat institutlarınıñ ilmiy sayuvlarğa binaen, bu (Hicriy 1442/2021) sene ramazan ayınıñ başı 2021 senesi çeçekniñ (aprel) 13-ne kelecektir. Ramazan ayınıñ soñu ve buña köre Oraza bayramı 2021 senesi quralaynıñ (mayıs) 13-ne kelecektir.

  1. 2021 senesine nisab ölçüsini 13625,50 grn. miqdarında tasdiqlamaqtır.

Ülemalar şurası tarafından 2021 senesine nisab (zekât tölemesi zarur şahısnıñ mal-mülkündeki artıq parasınıñ eñ küçük ölçüsi) tasdiq etilgen. Umumiy ananeviy (hanefi, şafii, maliki, hanbali) uquqiy islâm mektepleriniñ episine binaen, eger paranıñ cemisi altınnıñ 85 g., ya da kümüşniñ 595 g.-na kelgen olsa, öyle miqdardaki paradan (er angisinden) zekât (zaruriy sadaqa) tölenmesi şarttır. Böyle etip 2021 s. nisab 13625,50 grn-nı teşkil etmelidir. Böyle qararnıñ esası şunda ki, para ya da külçe şeklinde kümüş nisabı – 595 gr. kümüş, altından ise – 85 gr., 1 gr. kümüşniñ ağımdaki fiyatı – 22,90 grn (18.03.2021). ). (22,90х595=13625,50 grn.). 1 gr. altınnıñ ağımdaki fiyatı  – 1755 grn. (18.03.2021). (1755х85=149.175 grn.).  Altın ve kümüş nisabınıñ qıymetleri farqlı olğanda, zekât fuqare ve muhtaclarnıñ aqqı olğanını, ve Allahtan qorqu ve işançlılıq usulını közde tutaraq, zekâtnı eñ küçük, demek kümüşniñ 595 gr – 13625,50 grn-ğa musaviy seviyesine yetkende tölemek şarttır.

  1. 2021 senesine bir kişilik iftar sadaqası (al-fitr zekâtı) ölçüsi 120 grn., dep tasdiq etmektir.

2021 senesine bir kişilik iftar sadaqasınıñ (al-fitr zekâtınıñ) para teñdegeri 120 grn ölçüsinde tasdiq etilgen ki, o, pirniçniñ 2.675 kg (1sa’a) orta fiyatı esabından çıqarılğan. Em de iftar sadaqası (al-fitr zekâtı) em malnen, em de paranen tölenmesi teklif etilgen, bu, hanefi mezhebine ve bazı safdaşlar ve izdeşlerniñ areketine esaslana.

 

Ülemalar Şurası Toplaşuvlarınıñ Başı                                               E.İ. Hayrullayev

QMC_DMİ_Ülemalar_Şurasınıñ_18_03_2021_s_№_10_qararı

 

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.