TCniñ Din işleri İdaresi, musulman liderleriniñ acele, hayıraq Ramazan ayında Quddusta olıp keçeyatqan vaqialarnen bağlı online konferentsiyasını keçirdi, onda 50-den çoq memleket vekilleri iştirak etti. Ukraina tarafından online konferentsiyada Qırım müftisi, Qırım Muhtar Cumhuriyetiniñ Diniy Musulmanları İdaresiniñ başı Ayder İsa oğlu Rustemov iştirak etti. Şunı qayd etmelimiz ki, soñki çatışmadan şeitlerniñ sayısı 25 şahısqa yetken, 300-den çoq insan yaralanğan, onlarnen gospitalizatsiyalanğanlar.

Kiriş söznen birinci Diyanetniñ başı Ali Erbaş çıqışta bulundı. Soñ elifbe tertibinde er keske 5 daqiqalıq çıqış yapmaq imkânı berildi. İştirakçılarnıñ episi bir ağızdan şunı qayd ettiler ki, Al-Aksa camisi – er bir musulman inamınıñ bir qısmıdır; Al-Aksa – musulmanlarnıñ ilk qıblası; Al-Aksa camisi – üç camiden öyle biri, öyle muqadessattır ki, onıñ yoluna Muhammedniñ (Allahnıñ muabbet ve razılığında olsun) ümmeti secde etmek içün çıqa.

İştirakçılar, İsrail akimiyetiniñ hususan hayıraq Ramazan ayı, secde etüv ve ruhaniylik ayında tecavuz areketlerini bir ağızdan takbih ettiler. İştirakçılar, İsrail akimiyetine insan aqlarına ve din serbestligine sayğı bildirmek talabını seslendirdiler. İştirakçılar, Felestinniñ ve felestinlerniñ ağrısı – bütün musulman ümmetiniñ ağrısıdır, dep qayd ettiler ve episi keçingen şeit ve zarar körgenler içün dua sözlerinen muracaat ettiler.

İtirakçılar bütün musulman ümmetine muracaat etüvde, İsrail mahsulatına embargo qoydurmağa teklif ettiler ve Diyanet başına, professor Ali Erbaşqa güzel teşebbüsi içün teşekkür bildirdiler ve, bütün musulman liderleri ve vekillerine muracaat eterek, episi olabilir haber ceryanlarında olıp keçeyatqan vaqialarnı aydınlatmağa teklif ettiler.

Şunı hatırlatayıq ki, bazarertesi saba İsrail silâcıları Al-Aksa caminiñ taqımını ücüm etip, Felestin dindarlarına rizna qaplı qurşun, yaşlatqan ıs ve davuşlı bombalar attılar, neticede, BBC bildirgenine köre, yuzlernen adam yaralandı. Bazarertesindeki saba ücümininden evel Quddusta bir qaç kün zorbalıq devam etken ki, o, Радіо Свобода bildirgenine köre, Al-Aksa camisindeki dindarlarğa ve Şarqiy Quddusnıñ Şeyh Carrah bölgesinden qorantalarnıñ sürgün etilüvine qarşı çıqqan felestinlerge ücüm etüvlerden soñ yüz bergen.