Qırımda Rusiye işğal akimiyeti özüniñ diniy merasimler, umumen inanuv, baqış ve fikirlerni nezaret etmek istegini terk etmey. Aluşta imamı Yusuf Aşirovnı ‘missionerlik’ kibi ‘faaliyeti’ni alıp barğanı, aslında – Rusiyeniñ nezareti altında olğan müftiyatınıñ razılığı ve litentsiyasız diniy merasimlerni alıp barğanı içün endi tekrar mahkeme eteler. İşğal etilgen Qırımda, imamlar Cuma namazınıñ metinlerini bile müftiyatnen (demek – FSBnen) keliştirmek kerek olğanda, muhtar diniy cemiyetlerni böyle qorqutuv ve çıqaruv tecribesi, teessüf ki, bugün de bugün adiy bir iştir. Lâkin Allah – Adaletli Mahkemecidir, Onıñ Mahkemesine de az
qaldı!

Küreşimiz devam etmekte!

QMC DMİniñ matbuat hızmeti