Musulman teşkilâtınıñ er angi ıntıluvı, hususan küç-quvetlerni birleştirmek maqsadı qoyulğanı musbet sayılır. Lâkin bu ıntıluvnıñ eñ müimi – musulmanlarnı ayırmay, aqiqaten quvetlerni birleştirgenindedir.

Bizge türlü musulman teşkilâtları, Ukraina Musulmanları Kongresi yaratıluvı ilânını izalamaq muracaatınen buluna, şunıñ içün bu esnasnıñ ketişatını añlatmaq kerek, dep sayamız. Elimizde olğan malümatqa köre, ‘Ukraina musulmanları köngresi’ adlı yañı platforması – bu ya da başqa bir yolunen ‘Umma’ Ukraina Diniy Musulmanlar İdaresi ve ‘Alraid’ Birligine baqqan ya da olarnen sıq işbirlik tutqan episi teşkilâtlarnıñ bir rebrendingidir.

Biz bir şeyni qurmaq pek qıyın olğanını bilemiz. Şunıñ içün çalışmağa ve yañı bir şey qurmağa er istegenini selâmlaymız. Ve musulman teşkilâtları, diger teşkilâtnıñ, yani Ukraina Musulmanları Diniy İdaresiniñ ıntıluvında, aslında teşkilât cemiyetleriniñ qurultayı olğan ‘Ukraina musulmanları qurultayı’nı ötkergende kibi, şeklini qayğıraraq, maiyetini bozmaz, dep pek ümüt etemiz. Maiyet de biz içün – Allah Adını yüceltmek ve Onıñ yolunda faaliyet köstermektir.

QMC DMİniñ matbuat hızmeti