Qırım Musulmanları Diniy İdaresi Türkiyeniñ Elâzıg şeerinde 24 yanvarda olğan zelzele qurbanlarınıñ ailelerine teren taziyelerini bildire.

Bu faciada tahminen 38 adam hayatını ğayıp etti, biñ insanğa yaqın yaralandılar.

Qırım Müftiniñ Türkiye Cumhuriyeti büyükelçisi Yağmur Ahmed Gülderege ve Türkiye Cumhuriyeti Diyanet İşleri vekiline İsa Yaykinge resmiy beyanatında qayt etile “Bizge yaqın Türkiyemizde, şarq bölgesinde Elâzıg şeerinde yüz bergen facianen alâqalı teren yürek yanığını bildiremiz. Sizlernen birlikte bu ağır coyıqnı yaşadıq ve sizlernen beraber kederlendik, amma bizim Rabbimizni razı etken sözlerni aytamız: “Şübhesiz, epimiz Allahqa aitmiz ve kerçekten Oña epimiz qaytacamız”.

Bu dünyadaki hayatımıznıñ bir müddeti bar ve iç bir teselli sözleri ağırlarını qaldırmaz ya da ketkenlerini keri qaytarmaz. Yüce Allahqa samimiy imandan ğayrı yanıqnı iç bir şey raat etmez. Aqiqatnen, Allah bergenni tek Oña aittir ve Allah alğannı tek Oña aittir. Emir Allahtan, bizlerge ise itaat etmek ve sabır etmek qalğandır.

Yüce Allah Türkiyeni bütün qaza – belâdan ve sınavlardan qorusın ve muafaza etsin.

Dualarımızda Türkiyeni daima hatırlaymız.

Sayğılarımıznen. Qırım Musulmanları Diniy İdaresiniñ hızmet matbuatı