“Qırım Birdemlik” teşkilâtnıñ vatandaş jurnalisti 2,5 yıl hapis cezasını çekerek serbest oldı. Bu aqta “Qırım Birdemlik” mühbiri haber ete.
Evel terrorğa açıq çağırışta qabaatlanğan ve 2,5 yılğa mahküm olğan Memedeminov Rostov vilâyetinde Sadkovskiy köyde olğan № 8 cezahanege ketirilgen edi.

“Memorial” İnsan haqları merkezi Nariman Memedeminovnıñ tarafından insan aqları içün aktiv küreşken ve jurnalist faaliyeti, rus qanun-qoruyıcı organlarnı tenqid içün onı siyasiy mabüs olaraq tanıdı.

Aqmescit şeerniñ Kiyev rayon mahkemesinde 23.03. 2018 senede Mihail Belousov mahkemeci jurnalistke hapis, azattan marum cezasını seçti. Bunı Rusiye Federal Havfsızlıq Hızmet idareniñ (FSB) üyken taqıqatçısı, Qırımda 2014 senede hızmet etken Parşutin istedi. Onıñ soyadı bir qaç siyasiy cinaiy davalarda keçe.

2 oktâbr 2019 senede Cenebüy Bölge Arbiy mahkemesi “Qırım Birdemlik” jurnalistni 2.5 yılğa ceza koloniyasına hüküm çıqardı.

Bu sevinçli adisenen Narimannı, ailesini, dostlarını ve bütün qırımtatar halqnı hayırlaymız. Yüce Allahtan bütün qanunsız yaqalanğan siyasiy mabüslerni tez zamanda serbest olğanlarnı isteymiz. Küreşimiz devam ete!

QMDİ matbuat merkezi