22 fevral 2020 s. Qırım musulmanları Diniy İdaresi Kiyevdeki ofisinde müfti Ayder Rustemov Crimean Heritage mektepniñ talebelerinen körüşti. Toplaşuvda qırımtatar halqnıñ belli siyasiy ve devlet erbabı Noman Çelebicihanın tercimealını balalarğa qolay ve añlayışlı şekilde añlattı.

​Noman Çelebicihan I Qurultaynıñ teşkilâtçılardan birincileri, 1917 senede ilân etilgen ükümetin Qırım Halq Cumhuriyetniñ birinci reisi, Litvaniya, Poloniya, Belorus ve Qırımnıñ ilk müftisi olğan. O qırımtatar halqnıñ bağımsızlığı, azatlığı içün kerçek küreşçi, sarsılmağan, boysunmağan içün 23 fevral 1918 senede bolşevikler tarafından öldürülgen.

​Kiçik lektsiyadan soñ talebeler Noman Çelebicihan yazğan şiirlerini oqudılar. Bundan soñ islamda liderlik ve kerçek liderin saip olması kerekli olğan çizgileri aqqında canlı bir suhbet oldı.

QMDİ matbuat – hızmeti