16 mayıs 2020 senesinde Türkiye Devletniñ medeniyet ve turizm Nazirligine bağlı Türk İşbirligi ve Koordinatsion Agenstvodan (TİKA) Qırım musulmanları Diniy İdaresine 300 ğıda qutusı teslim etildi. Bu qutular muhtac ailelerge COVID – 19 koronovirus yuqunçınen (infektsiyasınen) alâqalı profilaktik tedbirler neticesinde maddiy zorluqlar çekken insanlar arasında dağıtıldı.

Qırım Musulmanları Diniy İdaresi ğıdı qutularnı qıta Ukrainada musulman cemaatlar arasında dağıttı:

Kiyev ve Kiyev velâyeti – 50 qutu;

Vinnitsa şeeri – 10 qutu;

Belaya Tserkov şeeri – 30 qutu;

Herson şeeri – 30 qutu;

Novoalekseyevka qasabası – 90 qutu;

Geniçesk şeeri – 60 qutu;

Lvov şeeri – 17 qutu;

Lutsk şeeri – 13 qutu.

Aşayttan ğayrı qutularda karantin zamanında pek kerekli maske ve rezna qolçaqlar bar.
Qırım musulmanları Diniy İdaresi Türkiye Devlet Medeniyet ve turizm Nazirligine bağlı Türk İşbirligi ve Koordinatsion Agenstvosına (TİKA) ve qardaş Türk milletine böyle ağır zamanda yardım elini uzatqan içün teşekkürlerini bildire.

QMDİ matbuat – hızmeti