image/svg+xml Смисловий переклад Корану безкоштовно Замовити
uk

İŞĞAL QIRIMDA BİR SIRA TİNTÜVLER

Bugün 7 iyülde, Qırımnıñ 4 bölgesinde aynı zamanda saba 4-te başlap tintüvler keçeler. Bu aqqında “Qırım birdemligi” Cemaat Birligi haber eteler. Regional faalciler kün devamında cemaat Birligine telefonnen haber eteler.

“Tahqiqat tedbirleri” Bağçasaray rayonıñda üç evde – Alim Sufyanovnıñ Jeleznodorojnoye köyü; Hayretdinov Seyrannıñ, Süyür-taş köyü; Sizikov Aleksandrnıñ Sevastyanovka köyü; Ziyadinov Emilniñ evinde, Biyuk-Onlar qasabası, Qurman rayonı; Memetov Dilâverniñ evinde, Aluşta şeeri ve İbragimov İsmetniñ Kurtsı qasabası, Aqmescit rayonı.

Şu adresler boyunca “E” merkezniñ işçileri; Qırımnıñ Federal Hafvsızlıq Hızmeti (FSB); “Berkut” bölügi, 2014 yılından berli Qırımda Rosgvardiyanıñ mahsus bölügi; OMON – cemaat nizamnı qorçalağan polis bölügi celp etildi.
6 kişi yaqalandı.

Rus işğalciler rekord qoyalar. Ekseriy allarda olar tintüvlerni saba 5-te, 5-lerden soñ başlay ediler, bu sefer öz tecavuz işlerni saat 4-te başladılar.

Qırımtatar halqnıñ Milliy Meclis reisi Refat Çubarov qayd etkeni kore, yaqında keçken referendumdan soñ, işğal rus akimiyeti qırımtatar halqına zulüm basqısını arttırmaqtalar ve yañı küçnen yapmaqtalar. İşğalciler cezasızlığını is eteler ve bu al Ukraina akimiyetine, siyasetçilerge Qırım meselesindeki areketleriniñ doğru olmağanına bir işaret olmalıdır.

Bizler episi qardaşlarımız içün tez vaqıtta serbest olunması ve yardım içün Allahqa dua etemiz!

Küreşimiz devam ete!

QMDİ matbuat – merkezi.

Comments are closed.

Abu Havsa Umar ibn al-Hattab (Allah ondan razı olsun) bildirgenine köre: “Men, Allahnıñ Peyğamberi (sallaLLahu aleyhi ve sellim), aytqanını eşitken edim: “Bütün areketler yalıñız niyetlerge köre (qabul etilir) ve er bir insan tek niyetine köre alır. Buña köre de, Allah ve onıñ elçisi içün köçüv (hicret) etken kişi, Allah ve onıñ elçisi içün köçüv (hicret) etkeni sayılır, dünya malları ya da bir qadınnen evlenmek içün köçüv (hicret) etken kişi, o zaman onıñ köçüvi (hicreti) ne niyetinen yapılsa öyle qabul etilecektir”.