Bismillâhi-r-Rahmani-r-Rahim!

​Bugün rus ceza maşinası sözde olğan “Hizb ut-Tahrir Qurman gruppası” davasında keçken qırım tatarlarğa üçüne 42 yıl apis cezasını berdi. Üç balanıñ babası Rustem Emirüseinovke 17 yıl qattı rejim berdiler. Arsen Abhairovke ve Eskender Abdulganiyevke 13 ve 12 yıl berildi. Üçü de eki yıldan berli apishanede. Yalıñız körüşkenler ve dinini ögrengenleri içün, camige barğanları, kitap oquğanları içün…

Buña oşağan ceza qararı, iş davası birinci sefer degil. Amma bu olarnı toqtatamay, aksine tam tersine, daa ziyade halqımızı birleştire. Para cezalarına, yasaqlarğa, teşkerüvlerge, yaqalanğanlarına baqmadan, olar oğullarını, qardaşlarını, aqaylarını desteklemek içün bir insan narazılıq piketlerge çıqmağa devam eteler. Sözde olğan “rus adalet mahkemeleriniñ” binalarınıñ ögüne çıqmağa devam eteler, yüzlerce kilometre uzaqlıqta yolunı keçip mahkeme binalarnıñ yanlarına yelmege devam eteler. Çünki Adalet mahkemege kesinliknen inanalar. Mutlaq kerçekleşecek ve er şeyni öz yerine qoyacaq – Yüce Allahnıñ Adaletli mahkemeniñ qararına inanalar.

Aqiqat er zaman yene! Bizim küreşimiz devam ete!

Qırım müftisi – Ayder İsa oğlu Rustemov