İşğal etilgen Qırımda nevbetteki tintüv keçirildi. Qırım musulmanları diniy idaresi işğal etilgen Qırımda, Rusiye tarafından, musulmanlarğa qarşı keçirilgen tecavuzını takbih ete. Fevralnıñ 17-de yarımadada keçirilgen tintüv ve tevqivler, 7 yañı terrorizimde qabaatlav, 7 mabusler, olardan 6-sı qırımtatarlar– Ernest İbragimov, Abdulboriy Mahamedeminov (oñı birazdan yiberdiler), Lenur Seydametov, Oleg Fedorov, Yaşar Şihametov, Azamat Eyupov, Timur Yalkabov, ve daa çoq yıllar devamında babasız qala bilecek 15 balaçıqlar, – bu episi din ve milletke köre, qırımtatarlarnı tuvğan topraqlarından sıqıştırıp çıqarmağa Rusiye genotsid siyasetiniñ devamıdır.

Allahu Taalâ vatandaşlarımıznı serbest eylesin, olarnıñ qorantalarnı qorçalasın, Vatanımıznı duşmandan azat etsin. Amin! Küreşimiz devam ete!

QMDİ – matbuat hızmeti