image/svg+xml Смисловий переклад Корану безкоштовно Замовити
uk

QIRIMDA RUSİYE İŞĞALCİLERİ QADIN VE BALALARDAN QORQALAR

Qırım quvetçileri, faal grajdan mevamı bar olğanlarnı qorquzmağa tırışalar:
soñki eki ay içinde olar, camide laqırdı etkenleri içün mahküm etilgen musulmanlarğa qoltutmaq maqsadınen mahkeme oturışlarına kelgen adamlarnı muntazam tarzda yaqalaylar. ‘Sanitar’ emiş normalarğa – maska tertibine, qararlaştırılğan mesafege riayet etkenlerine baqmadan.

Qorçalayıcı ya da jurnalist şeadetnameleri bar olğanına baqmadan. Erkek ya da qadın, atta bala bile olğanına baqmadan.
Tünevin, boş ayınıñ 23-de, 12 kün evel apiske alınğan Edem Semedlâyevni – aqiqiy halq qorçalayıcısını qarşılamağa onlarnen adam kelgen; qorçalayıcını ‘polis qanunlarına boysunmağanı’– polis bölüginde büs-bütün soyunıp, tintilmekten red etkeni içün apis etilgen, aslında da anda o, qanunsız tutulğan vatandaşlarnı qorçalamaq içün kelgen edi. Lâkin güldeste ve ava toldurılğan şarlar ile qadınlarğa qarşı kene baştan-ayağına qadar silâlanğan ve zırhyelekli mahsus tayin etilgenler çıqqanlar. Adamlarnı avtobuslarğa soqıp, polis bölüklerine, sanki grajdan tertibini bozğanları içün alıp kettiler de, böyle etip adamlarğa ne qorçalayıcını qarşılamağa, ne onı azat olunuvınen hayırlap, beraber dua oqumağa berdiler. Episi olıp 31 adam apiske alındı, ondan 10-u – qadınlar, arasında da 14 yaşlı qızçıq. Şu qadınlarnıñ sabiyleri, çoqbalalı qorantalar beklegenine baqmadan, olarnıñ episini bütün gece ve kelecek künü apiste tuttılar.

2017 senesi boşnıñ 23-de aynı şu quvetlerniñ elinden qırımtatar milliy areketiniñ veteranı Veciye Kaşka elâk oldı, bugün ise, 4 yıldan soñ, işğalciler qırımtatar milliy areketiniñ veteranı Rustem Useinovnıñ evini yıqalar. Qırım musulmanlarınıñ onlarnen apay ve anaları, aqaylarınıñ, oğul ve ağalarınıñ çıqarılğan ükmüne öz narazlıq ve razı olmayuvlarını ilân etkenleri içün büyükten-büyük çoqbiñli cöremeler alalar. Endi işğalciler qadınlarnı ve balalarnı bile apiske taşlaylar. Lâkin öz toprağında serbest yaşamaq aqqı içün yuzyıllarnen küreşken halqnı bu toqtatmaz. Yeñilmez ruhu, qaviy imanı ve aqiqiy degerlikleri olğan erkekler yerine – qadınlar, qartlar yerine – balalar kelir. Zalımlarnı em bu, em o bir dünyada masharalıq bekley. Sabır ve sebat kösterip, qıyın zamanlarda öz milletniñ yanında bulunğanlar ile Allah bar!

Küreşimiz devam etmekte.

QMC DMİniñ matbuat hızmeti

Comments are closed.

İbn Ümer (Allah ondan ve babasından razı olsun) bildirgen edi (aytqan edi):
“Peyğamberimiz (Allahnıñ selâm ve rizası onıñ üzerinde olsun) dedi ki: ” İslam 5 şartta quruldı: Allahtan başqa ilah (tañrı) yoq ve Muhammed Onıñ resulü (elçisi) şeadet etmek; namaz qılmaq; zekât bermek; Allahnıñ Evine hac yapmaq, Ramazanda oraza tutmaq”.