Merametli, Şefqatlı Allahnıñ adı ile!

Niyaz (dua, yalvaruv) – dindarlarnıñ silâsıdır. Şunıñ içün bugün, halqımız barışıq küreşini alıp barğanda, epiñizni Qırım dindaşlarımız ve vatandaşlarımızğa qoltutuv çerçivesinde ‘Bir vucut’ aktsiyasında iştirak etmege davet etemiz.
Soñki aylar içinde işğal akimiyeti musulmanlarğa qarşı repressiyalarnı quvetleştirdi, dindarlarnıñ diniy serbestligine ve aqlarına muntazam tarzda sayğısızlıq bildirile. Rusiye quvetçileri, siyasiy mabüslerge faal qoltutqanlarnı kütleviy tarzda cöremeley ve apiske alalar, yani: mahkemege kelgen soy-sopunı, faalcilerni, jurnalist, qorçalayıcılarnı, şu cümleden qadın ve çağına yetmegenlerni. Cöremelerniñ umumiy cemisi 2 million rubleni teşkil ete.

Quvetimiz –birlikte. Epici camilerde hayır cuma kününiñ soñundaki bir saatinde Yüce Rabbimiz duanı qabul etkende, er bir musulmannı ağa-tata-qardaşlarımızğa qoltutuv aktsiyasında iştirak etmege davet etemiz.

Küreşimiz devam etmekte!

QMCDMİniñ matbuat hızmeti