Qırımtatar Aqmonay köyünde Qırımnıñ işğalci akimiyeti qadimiy musulman mezarlığında gaz borularını keçirmekte. Şuralar devrinde, qırımtatarlar sürgün etilgenden soñ, bu mezarlarnı yernen tegizlegen ediler, baş taşlarını bozıp qurucılıqqa tarqattılar, em olarnı alâ daa evlerniñ divarlarında ya da köy ahırlarında körmek mümkün… Endi ise, mezarlıq yeri olğanını bilgen işğalci akimiyetiniñ küfürligi, şuralar devriniñ usullarından bir farq etmey.

Qırımtatarlarnıñ muracaat etüvine baqmadan, mezarlıq yeri qazılıp çıqılğan, gaz boruları tamam mezarlardan keçirile, insan kemikleri arıqlar boyu ve üstünde yata. Biz insan qalımtıları ve halq hatırası üzerinde qılınmasınıñ deral toqtatmasını talap etemiz!

Allahnıñ qararlarına ve defin etilgenlerniñ raatluq ve toqunmamazlıq aqqına nefret bildirgenlerni Özü cezalasın.

QMC DMİniñ matbuat hızmeti